عادات و مواكيس

1-مقدمة ...بس طويلة شوية  J            قصة السمكة و الطاسة         يُحكى أن... كان يا ما كان يا سعد و يا ست اكرام ما يحلا الكلام الا بذكر النبي عليه الصلاة و السلاااام... عليه الصلاااااااة و السلااااااااااام.....شطار يا ولاد بيقولك  كان في بنت صغيرة عايشة في قرية صغيرة  برضه...البنت دخلت على امها مرة المطبخ لقيتها بتقلى سمك...وقفت البنت تتفرج...لقت أمها بتقطع راس السمكة و ديلها قبل ما تحطها في الطاسة البنت استغربت... سألت أمها.. ليه يا ماما بتقطعي راس السمكة و ديلها؟؟...مش ممكن ناكلهم و ننتفع بيهم؟ ردت الام في ثقة: -لا يا حبيبتى السمك بيتقلى كدا...لازم نقطع راسها و ديلها قبل ما نقليها #ايوا ليه بقى نقطعهم؟ -هوا كدا..احنا متعودين على كدا #ما انا عارفة انكم متعودين على كدا ....انا بسأل ليه؟ الام ردت في زهق: -بقولك ايه ما تتعبيش قلبي كل الناس بتعمل كدا...اهل القرية كلهم بيقلوا السم...

السلااااام عليكم.... طيبون ان شاء الله يا افندي و يا هانم.... ( عادات و مواكيس...شخصية لا مؤاخذة مصر...)... دا كتابي....اللى فشلت انشره مطبوع فقررت انشره هنا.....ايوا انا فاشل موكوس ليك عندي حاجة؟؟ .....عزيزي المواطن التقليدي المعتاد الموكوس بصبح عليك....صباح الملل...مساء الرتابة...ازيك... ما داهية لتكون كويس...مهو حضرتك طول ما انت كويس و قاعدلنا معلش يعنى مش هنشوف خير ابداً بُتيتاً... كلامي هنا مش لمعاليك..... بس اشتري الكتاب برضه أهو نبقى استفدنا منك بحاجة أو اقرا البلوج....يعنى أيهما أقرب.. انما كلامي للاستاذ المحترم اللى بيشاور عقله دايما و نفسه يغير الواقع زي الاستاذ احمد حلمي في فيلم ألف مبروك قبل ما يخبطه اللوري .. و الاستاذة الفاضلة اللى بتحلم بغد أفضل.. اللى هي غالبا كانت سايقة اللوري بس ده مش موضوعنا دلوقتى... أيوا حضراتكو....انا بكلمكوا.... ياريت حضرتك تفك زرار القميص الفقاني ده ...و بلاش فرقة الشعر دي الله يسعدك  ..و معاليكي لو تسمحي صورة عمرو يوسف ترجع تحت المرتبة تاني شوية بس... و تعالوا بقى نتكلم كلمتين.... الكتاب" أو البل...